敢說自己「是日本人」，可以想像DJ鄭家輝對日本文化有幾熱愛。連帶到食，都對「和味」情有獨鍾：「平時我就唔多煮嘢食，但日本嘢就唔同，有好多連埋晒配料嘅方便包裝，好易整。」於是乎今日，鄭家輝就為我們度身訂做一個日式LunchSet，有齊湯、主菜、飲品、甜品及水果。當中有他口中所說簡單易整的壽司及其推介的現成日本小吃。
記者：吳佩璇 攝影：陳盛臣
逢星期一至三、五出版
鍾情日本文化，𡃁仔時代已愛上日文歌，特別是工藤靜香的歌。直至5年前在電台主持「是日本人鄭家輝」這節目，由日本藝能界、到日劇、到Fashion、到玩具……幾乎無所不談。
為了𢱑料，鄭家輝這幾年來便去了起碼60次日本！厭未？「冇喎！真係有好多新嘢發掘。就以食為例，佢哋發明咗好多漢藥，又有飲完重Keep住你喉嚨冰涼嘅檸檬茶，又有飲得嘅甜品……」說着得意日本小食，鄭家輝便滔滔不絕！
此壽司屬關西口味，除外形有別於一般壽司外，另一特色是加上少許梅子、三文魚子等配料。而包法更棄用竹席，改以茶巾去包。所謂茶巾，是很專門的日式烹飪輔助工具，香港未必買到。但其質地其實像紗巾，包製時可以紗巾或用保鮮紙代替，做法比竹席捲紫菜容易得多。
三文魚或吞拿魚共8片、半嘜珍珠米、2-3茶匙醋、少許金箔或三文魚子
1.魚片切方形，約0.5cm-1cm厚；5cmx5cm大。米先浸約30分鐘才煲，煮出來會更綿，趁米飯仍熱時撈醋。
2.在茶巾上鋪上魚片及飯糰。
3.包起搓成波波形便可，秘訣之一是飯糰份量毋須太多，亦不必刻意用力搓實，否則食落會硬邦邦。
4.最後可加上少許如金箔或三文魚子等Topping。
麵豉湯的變化可以好多，最典型的是豆腐加昆布，也有蜆、魚等。今日嘅南瓜麵豉湯，營養豐富，熱量很低，是日本人很喜歡吃的健康食品。
南瓜100g、麵豉湯醬4茶匙
1.南瓜連皮煮，去核洗淨，切小粒，汆水。
2.放約260毫升水，煲滾後放入南瓜及麵豉醬，再煲約3分鐘即成。
鄭家輝話肌良好此飲品乃日本美容公司出品，成份主要是菜，貪靚的㗎妹飲一罐就當如食咗蔬菜。
前者為紫薯口味，甜甜哋幾易受落，製作時用上了沖繩黑糖，特別矜貴。後者是芝士蛋糕，飯後嗒番件都唔錯。
作為飯後果，巨峰提子乃全日本公認最高級的提子，溫室種植，鄭家輝話第一次食巨峰提子時，先發覺原來真正嘅靚提子味似吹波膠，好甜！
Great
（金鐘太古廣場LG1地庫9號舖 29189986）