時代進步，連思想亦進步不少，數年前着T-Back給人冶豔感，現在T-Back則是潮流的化身，每個女人的衣櫃中總有一條。早前數碼通與《PENTHOUSE》合辦了T-Back皇后選舉，YoYo憑圓渾的臀部加上淡定的表現奪魁，成為T-Back皇后，想知點着T-Back先靚，一於聽聽YoYo的心得。
記者：區佩嫦 攝影：林栢鈞
今次T-Back皇后選擇是由Smartone和《PENTHOUSE》合辦，純宣傳佢哋剛推出的《大開眼戒》成人頻道。「YoYo由18位參賽者中選出，評分方面一半來自現場評判，另一半則由現場觀眾所發的短訊選出，可能YoYo表現夠淡定，兩邊分數都最高，所以成為首屆的T-Back皇后。」數碼通負責人稱。
觀眾的眼光其實認真獨到，因為YoYo其實堪稱御用T-BackModel，每次我要影T-Back的時候，YoYo總成為不二之選。問YoYo點解會贏？「我覺得自己個Pat形OK，並非靚到Dump一聲，配合埋全身，算是均勻，有啲身形啦！而我本身有表演經驗，見到場內的觀眾都無怯場，加加埋埋所以咪贏囉。」YoYo的確夠謙，不過我就覺得YoYo這個T-Back皇后真係實至名歸。
低腰牛記露T最型
既然YoYo贏得皇后美譽，PatPat當然有番咁上下靚，YoYo自言都幾鍾意着T，屋企衣櫃最少有十幾條T-Back看門口。「我貪T-Back夠通爽，絕對是夏天必然衣物，咁多款T中，我最鍾意着運動形的T-Back，覺得夠舒服，着T-Back重要必襯低腰牛仔褲，咁露先至型，若果襯裙露T-Back就唔靚嘞！」
運動形T-Back勝在舒服，有時買T-BackYoYo都會揀款。好似這條T-Back以碎花布配深紫色的喱士，YoYo覺得個款夠靚，而我就覺得條褲夠晒嬌俏，腰側兩邊以橡筋絲帶製成，着上身特別貼身，襯牛仔褲一絕。
YoYo着T-Back大大話話都有5年咁耐，佢居然覺得着T-Back唔係太誘惑，「可能我以前啲男友都唔會因為我着T-Back而特別錫我，所以我唔覺得有乜特別。」雖然男友對T無感覺，但YoYo有時都會選擇SeethroughT-back，好似呢款橙色的SeethroughT，顏色夠晒Sharp，加上少少喱士點綴，夠晒Sexy。
講到靚，我覺得喱士T-Back最靚，雖然YoYo都係咁話，不過有時啲喱士唔靚，着上身會刮肉，呢款喱士T-Back，全條以Polyster和棉混合而成，着上身夠晒舒服，加上綠色的幼絲帶及小蝴蝶結點綴，夠晒可愛，若覺喱士T拮肉，YoYo教大家內裏加一條幼帶T打底，咁樣雙重保護，唔怕𠝹損啲皮膚。
要露得型的話，呢條T-Back絕對是必然選擇，前幅以喱士布為主要材料，後幅則配上幼帶設計，最特別是帶身縫上心形的閃石扣，着低腰牛記時，露起上嚟自然特別靚啦！
要着得舒服，YoYo推介幼帶T-Back。「幼帶的T着上身夠晒舒服，因為佢無喱士褲咁刮肉，最啱初初着T的人，感覺夠Young。」好似呢款幼帶T-Back，中間位置配上過癮的膠圓圈扣，沒有一般喱士的冶豔，非常青春。
YoYo話多做運動，可以Firm全身肌肉。「我讀書時已經好鍾意做運動，最鍾意打網球同籃球，𠵱家無乜時間，只係每星期打一次網球，籃球就幾個星期先打一次，打得多網球可以修線條，記得初打Tennis，手同腳都有鬆弛的肉，𠵱家手臂、腿同臀都Firm咗。」
除了做運動外，YoYo坐姿亦與別不同，亦是她的護臀之道。「我坐時一定會挺胸收腹，唔會俾自己寒背，可能肌肉經常都保持Firm的狀態，所以順帶令個Pat都Firm埋啩！重有，我聽人講過蹺腳坐會令PatPat大，同埋會令盆骨邊高邊低，所以我情願擘大隻髀坐都唔蹺腳。」各位姊妹聽到未？
「其實我無乜特別護理個Pat，每日沖完涼一定搽BodyLotion，近排最鍾意用TheBodyShop的薰衣草味Lotion（$138），又香又滑，感覺幾好。若果好似𠵱家天氣咁熱，我一定會用爽身粉，因為我怕PatPat會生熱痱，咁就唔怕個Pat黐𣲷𣲷。」
售賣點
PrivateShop（25061011）
地址：銅鑼灣時代廣場531號舖
TheBodyShop（29150962）
地址：銅鑼灣金百利商場1號地舖