尹子維在西片《盜墓者羅拉：生命之匙》內和任達華飾演一對主持犯罪集團的兄弟，尹子維透露原本是沒有他的角色，導演見過他後，便替任達華加了一個兄弟。而跟女主角安琪蓮娜祖莉合作，尹子維稱對方毫無架子。
於後天在香港上映的荷李活西片《盜墓者羅拉：生命之匙》，任達華與尹子維在戲中扮演一對兄弟兼犯罪集團的首領，對於首次參與荷李活大片兼與性感女星安琪蓮娜祖莉（AngelinaJolie）合作，尹子維日前在尖沙嘴接受本報訪問時說：「我覺得好開心，起初喺香港試鏡嘅時候，大家都係cast任達華嘅角色，劇本入面根本冇我個角色，但後尾佢哋見完我之後，就加咗我𠵱家呢個角色。」
尹子維表示：「導演對我咁有信心，我覺得係好大鼓勵。至於女主角，我覺得佢好好人，冇乜架子，相處時大家好舒服，同佢合作得好開心。」
提到拍《盜》片的難忘事情，尹子維表示頗欣賞他們的布景，其中尤以開首戲最令他感到不可思議，他說：「場opening戲喺英國拍一個水洞，我從未見過咁靚嘅景，個水洞做到真嘅一樣，啲科技好仔細，令我好佩服。」
此外，電影公司除派專人教他正式拿槍的動作及姿勢外，因《盜》片要現場收音，還特意找來一位外國人教他說東方口音的英文。不過卻苦了他，尹子維說：「我自細喺美國長大，所講嘅係純正美國口音嘅英文，要我講中國口音嘅英文，真係有啲困難，講得唔係太流利。」
另外，美國上周票房榜剛於昨日公布，《盜》片於上周取得二千一百七十萬美元（約一億七千萬港元），排名第四。而排第一的是史泰龍飾演大反派的家庭式喜劇《非常小特務之3D立體出擊》。
採訪：馮美茵 攝影：甄朝健
髮型：JoLam（WhyB.and） 化妝：JaneLeung
服裝提供：EmporioArmani