夏天乃打風旺季，唔少人都成日留意住幾時會打風落雨，數碼通就推出「天氣女郎」服務，唔單止幫你報天氣咁簡單，更會用MMSSend埋張靚女相畀你，等你每朝都醒一醒神，鍾意嘅話重可以將幅靚女相做埋手機Wallpaper。除此之外，數碼通更幫你將MMS圖片加框，「框框send」就隨時可以將你心愛嘅手機圖片加相框，將圖片Send去「888」就搞掂，而且相框種類更多達幾十款，揀啱就會Send番張相畀你，所有MMS手機都可以玩得，每次收費$2，都算抵玩。 記者、攝影：劉耀祥 數碼通查詢：28802688