八方最近上基督徒網站《時代論壇》，讀到一篇名為《我們不擔心何人做司機，我們怕不可以換司機》嘅佳作，想同大家分享吓。
作者虞瑋倩於文中將特首比作揸住架大巴嘅「瘋狂司機」，香港人就好似車中嘅乘客，雖然一路上意外頻生、唔少人被拋出車跌死，但又唔可以落車唔可以換司機。
最慘就係，個瘋狂司機竟然以為自己稱職，準備將巴士駛向絕崖，對乘客嘅求救充耳不聞，好彩，正當司機想踩盡油門衝向絕崖之際，突然冇油死咗火。
不過，個瘋狂司機仍然握住駕駛盤、賴死喺司機位唔走。「一群馬屁精仍然圍住司機，猛叫佢踩油，重話只要慢慢駛向絕崖，咁乘客就唔會反對佢。
文中最後話，「巴士仍然向着絕崖，入了波，沒有手掣，一發動就會向絕崖駛去。」唔該，有落；再唔係惟有跳車。
傳真︰2623-9278
電郵︰