英國組合Blue嘅成員LeeRyan，最近俾人偷拍咗一盒四級真人騷嘅影帶，認真濕滯。話說有晚阿Lee單獨錄音期間，叫咗一個喺錄音室門外等咗成日嘅金髮女歌迷入去，之後佢同fans喺桌球枱上面翻雲覆雨，弊在佢唔知間房入面有閉路電視，第二日清潔阿嬸發現地上有個用過嘅安全套，通知保安員睇番錄影帶先揭發件事。若果呢餅帶流出市面，阿Lee嘅前途可謂一鋪玩完喇！