徐子淇、樂基兒和Rosemary昨日到大埔超級城行騷，現正減肥並已減掉十二磅的徐子淇，以比堅尼披上絲巾亮相，她表示適逢母親外遊，才可破禁首次以比堅尼演出。
徐子淇、樂基兒及Rosemary昨日到大埔超級城參加「香港再燦爛絲巾show」，三人身穿七彩比堅尼，披上由本地時裝設計師鄧達智以絲巾和紗網製成的新裝行騷，色彩繽紛又充滿熱鬧感覺，其中Rosemary的鮮紅網裝，共以十二人花四天時間才告完成。
而徐子淇的性感比堅尼，在絲巾重重包裹下，春光絲毫不露，但她仍感尷尬，還透露今次是破禁演出，她說：「今次係第一次着比堅尼行騷，如果媽咪喺度一定唔准我出場，不過佢同daddy𠵱家喺泰國旅行，理唔到。」
徐子淇續說：「初時我都唔知要着比堅尼，之前啲衩位又開到好大，都有啲尷尬㗎，因為我比較保守，以前為咗唔想着三點式影相，先推咗好多減肥廣告。」早前徐子淇減掉了十二磅，昨日所見仍有點豐滿，她說：「我重有一個星期就拍新廣告，要火速減多十磅先成功。」
此外，樂基兒在這炎炎夏日，竟然沒有到沙灘暢泳，她說：「我鍾意游水、曬太陽，不過香港沙灘太多人，好焗，唔舒服。」
採訪、攝影：RitaLeung
