一到暑假，K場戲院商場堆滿晒一班班學生哥，直擊銅鑼灣街頭的學生，大學生話搵錢至上，中學生貪圖享樂，小學生有媽咪安排暑期活動，唔想空洞無聊白白浪費兩個月，即刻介紹個好活動畀大家，去片。
記者：尹珊珊 攝影：陳陶鈞
現實派Alvin（大學Year3）：
「唔使諗，一定係搵錢，搵錢，搵錢，想打幾份工，做乜都無所謂，報紙夠話大把大學生爭做卡拉OK侍應啦！錢少唔緊要，最多咪密密手做多幾份囉！」
上進派Elaine（升六年級）：
「暑假最大節目係跟學校童軍去Camp，上結他班同乒乓球班，最希望係可以去英國旅行，因為遲吓過去讀書，想睇定環境先，去非洲？無興趣喎，唔想曬黑皮膚囉！」
曬到黑麻麻的孖女Krizin（左，升F.7）同Cecilia（右，升F.7），搭埋個泳隊朋友仔Casper（中，升F.4）齊齊話：
「暑假咁熱梗係去游水，唔係無乜好做啦！」雖然口講話無乜，猶豫片刻由Cecilia帶頭一輪嘴話：「行街、打機、唱K、打牌囉！不過平日都會做。」
中學版Twins，Wendy（左/升F.3）同Cherry（右/升F.3）表現出完美的默契：
「行街、睇戲、打on-linegame囉！最好可以約埋班friend開party。」果然享樂大過天。