英皇2T劉思惠（Maggie）及蔣雅文（Mandy），昨日齊往荃灣為「Teen創商機」活動擔任剪綵嘉實，吸引數十名途人圍觀。
有消息指Maggie日前曾陪同英皇老闆楊受成到泰國參拜白龍王祈福，Maggie昨日聽後愕然地說：「梗係冇啦！我呢幾個月都冇去過泰國，一直都留喺香港。近排我重同Mandy一齊去練武功，因為我哋下個月初就要為電影開工，所以邊有時間做其他嘢。」
Maggie和Mandy近日忙於為電影《安娜與舞林》（暫名）練武，二人自言戲中的造型十分特別，Mandy說：「我哋會演一對孖女，髮型同衫都會一樣，都幾得意㗎！我哋重會睇番《千機變》，向師姐Twins偷師，佢哋真係好勤力。」
Maggie表示希望將來可以創業，她說：「我希望將來賺到錢可以同屋企人開間糖水舖，媽咪成日喺屋企都會做芝麻糊，不過最少都要儲夠七位數字，等生活穩定啲先算。」
採訪、攝影：王崇穎