想搵一間既有情調又可以聽歌又可以飲酒的地方，唔少人都喜歡去二樓吧，貪其可以坐得耐慢慢談心之餘，內裏的裝修設計又格外花心思，淨係享受嗰種氣氛已經夠晒，再加上一個無敵大海景，原來蒲吧都可以蒲得咁浪漫。
開在灣仔區商業大廈31樓的Rosso意大利餐廳，全店以暗紅色作主調，配合其他花草裝飾及擺設，加上昏暗燈光，充滿着一種原始、熱情而又浪漫的氣氛。U形大窗可盡覽馬場及維港靚夜景，餐廳有十多款紅白餐酒及香檳供選擇；而每晚八點後重有男歌手自彈自唱。歌聲、靚景、美酒，同情侶HappyHour都可以好浪漫！
餐廳設有一個全海景卡拉OK房，食飯唱K可以同時進行，女士每位要起碼消費$140，男士$280，只要湊夠八個人或以上就可以享用。
$160（HappyHour）
全店有十六款紅白酒，呢支Largaria就係其中一款意大利紅酒，易入口又醇，最適合女士們享用。
$30（HappyHour）
呢款WhiteSangria，SangriaMix加乾草、可樂、雪碧、青檸汁同Tequila大混雜，多重味道。
一大班friends去蒲，霎時間想搵個可以容納十幾二十個人嘅地方都幾傷腦筋。不過，呢間位於四樓嘅隱蔽上樓小吧，吧外有一個可以容納三十人嘅開揚大露台，維港海景無遮無掩，最少十個人就可以在這裏包場燒烤，附送專人服侍，只要兩日前打電話預訂就得喇！
全店所有飲品都係由年輕型仔bartender阿邦負責，佢最拿手就係調校各種果味特飲。
$38（HappyHour）
顏色同名都已經夠晒吸引，入口即感受到新鮮檸檬汁香，酸中帶點點涼浸浸薄荷清新。
燒烤最低消費每人百多元起，一般講得出嘅種類都有，好似新鮮帶子、扇貝、大蝦，刁鑽到連鹽燒膏蟹都有。
電話：28343238
地址：銅鑼灣告士打道229-230號宇宙大廈四樓
營業時間：下午5時至凌晨2時，星期日休息
HappyHour：5時至9時
Census全店以白色為主，裝修簡約不做作，坐在寬敞軟腍腍嘅梳化上，睇住眼前投射在牆上嘅musicvideo，聽住唔會令人覺得吵耳嘅popmusic，氣氛舒適親切，就係呢種homefeel感覺，令Census吸引到一大班優皮士捧場。
老闆在酒吧的一個U形角落特別裝上薄紗拉簾同Plasma電視，一拉上紗簾就即時變成privateroom。
呢款芝士焗白菌，用新鮮原粒白菌加入蒜茸、芝士、植物牛油焗製，白菌鮮甜中透出陣陣芝士、牛油酥香，最啱送酒！
（happyhour半價）
由VirginColada同PinaColada改良過嚟嘅MelonColada，既冇咁高酒精，亦來得更香。
電話：31102290
地址：銅鑼灣恩平道42號亨利大廈19樓
營業時間：下午5時半至凌晨3時（星期一至四），下午5時半至凌晨4時半（星期五），下午6時半至凌晨4時半（星期六），下午7時半至凌晨3時半（星期日）
HappyHour：開業時間至9時（星期一至日）