早前經歷喪女之痛的「玩具大王」蔡志明，前晚收拾心情往尖沙嘴半島酒店出席法拉利新車發布酒會，並表示會生產玩具版本的法拉利跑車。談到早前燒炭自殺的女兒加穎，其病情已困擾她十多年，可惜經中外名醫診治，亦束手無策。
名車法拉利為慶祝全球限量生產三百九十九部的全新系列「Enzo」，前晚於尖沙嘴半島酒店舉行發布酒會，出席嘉賓均是城中愛車之人，包括賽車手關兆昌、李英傑、名人馬清揚、林建名及「玩具大王」蔡志明等。
三百九十九部EnzoFerrari中，香港將獲售賣九部，其中一名買家是法拉利發燒友馬清偉。
「玩具大王」蔡志明的次女蔡加穎早前燒炭自殺，上星期出殯時蔡家上下一片愁雲慘霧。前晚蔡志明回復心情，出席新車酒會。
問蔡志明現在心情是否好轉？他說：「我同太太都逐漸回復心情，其實個女有咗呢個病十幾年，我哋一向有同佢傾偈，開解佢，一有喜慶事，就鼓勵佢去參加、輕鬆吓。」
蔡志明續說：「佢（加穎）呢個病醫生話同張國榮一樣，係抑鬱症，一時開心，一時唔開心，好難控制嘅。我哋都請過中外醫生去睇佢，個女自己亦知個病難搞，買好多書返嚟睇。我哋一家人本來就好親密，經過呢件事後，感情就更加close。」
談到車經，蔡志明表示其公司將會生產玩具版本的法拉利跑車，所以特別前來看新車。他又表示自己擁有五部法拉利，他說：「不過，我其實係sundaydriver嚟，揸車最講求安全。」
此外，林建名笑言車與女人一樣，都要外表靚和實用，他說：「以前我成日開快車媾女㗎，但係部戰車（法拉利）之前燒咗，𠵱家冇女伴啦。」
採訪：DebbieLum
攝影：EdwardChou
