「我多數着有袖衫，唔覺啫」
Juno手瓜忽然起𦟌明撼華仔

麥浚龍（Juno）昨日在銅鑼灣宣傳，台上擺放巨型布景板，清楚可見Juno突然手瓜起𦟌，似要對撼正拍攝電影《大隻佬和尚》的劉德華，但Juno卻死撐說：「我平時多數着有袖衫，你唔覺啫！」

麥浚龍和戴夢夢昨日以Fusion飛爽薄荷糖代言人身份，出席在銅鑼灣世貿中心舉行的「So活力So靚So健康Show」，Juno昨日更坐綿羊仔後座出場。

被司儀揶揄
昨日大會將Juno與戴夢夢的海報放大成巨型布景板擺在台上，布景板中的Juno突然手瓜起𦟌，與平時身形瘦削不相稱，似是相片加工後的效果，莫非他要撼近期正拍攝電影《大隻佬和尚》的劉德華？
Juno昨日一出場，擔任司儀的范振鋒即忍不住指着海報問他說：「嘩，你隻手臂咁大隻，平時都唔覺嘅。」Juno聽後表現尷尬，但仍死撐地說：「我平時多數着有袖衫，你唔覺啫！」

「屋企拜觀音」
Juno日前因涉樂壇貪污案被捕，問到他與父親麥紹棠近期是非不斷，可有請高人指點？Juno說：「我屋企拜觀音菩薩嘅，每晚都有上香，呢排亦都多咗時間同阿爸傾閒偈，我對爹哋有信心，佢好堅強，都係照常工作。」
此外，早前有傳Juno與環球更解唱片歌手合約，改把唱片給環球發行，問他與環球是否仍有合約？他說：「冇接觸過呢啲嘢，應該重係。」
採訪：卓美娟
攝影：陳偉權