盧巧音的作風與言論一向大膽，她昨日出席一個活動時，坦言如果無綫強制她不能以其他語言接受其他電視台訪問，她會考慮不續約。反而陳慧琳（Kelly）出席另一個活動時，卻顯得小心翼翼，問清楚是甚麼電視台才肯做訪問。
盧巧音昨日往小西灣出席「第二屆PM夏日人氣頒獎典禮」活動，有傳無綫不滿合約歌手走法律罅，以國語接受有線娛樂新聞台訪問，所以考慮重新修訂合約。盧巧音對此說：「我都係聽你哋講先知，我兩個月前先同無綫續咗約，我覺得多啲傳媒見到我哋啲歌手朋友，畀多啲機會大家，用其他語言接受其他台訪問都好合理，我覺得唔應該壟斷晒，但係我唔係反對無綫，佢都有佢嘅諗法。」
問盧巧音如果無綫強行改合約，她會否考慮不續約？盧巧音大膽直言：「有可能㗎！我都想我啲歌同戲多啲人知，唔好淨係得一個電視台，如果我唔簽，大家可能喺季選同啲音樂節目見唔到我囉，但呢啲都係假設性啫！」
另外，昨日大會特別要求有線娛樂新聞台的記者不可掛咪牌做訪問，更要與其他台一齊做訪問，關心妍早前亦有份幫有線娛樂新聞台拍宣傳片，但昨日所見，當關心妍單獨接受有線訪問時，她亦主動要求有線拆除咪牌。
此外，陳慧琳昨日在荃灣出席「新世代固網服務展」，電訊盈科捐出十五萬善款給「陳慧琳兒童助學基金」，由Kelly代表接收支票。
Kelly拿着攝製隊的咪做訪問時，顯得特別小心，當發現其中有一支咪沒有咪牌，知道原來是亞視的攝製隊時，Kelly即時請助手拿走該咪，並拒絕做訪問，但亞視的攝製隊人員仍拿着咪在台下收音。
Kelly說：「無綫若果改合約都幾混亂，但有時去活動一次過set好咪，未必發現到，我都要小心啲。我唔記得有冇同有線講過，但無綫要禁止，不如畀多啲機會歌手播MV宣傳。」
採訪：胡比、汪正文
攝影：陳慧安、汪正文
