天時暑熱，來來去去不是游水、睇戲就係留喺屋企打機歎冷氣，實在玩到悶。7月31日《盜墓者羅拉2》上畫，雖說第一集故事悶蛋，但望見山林穿插的冒險場面始終嚮往。誰知太陽谷谷主今年食正條水，安排了一個《大冒險》，攀山涉水樣樣齊，若能完成使命到達終點大瀑布，重可以齊齊玩玩水，享受寧靜山間美景，爽呀！
記者：陳慧敏 攝影：陳盛臣
Model：Emily、DuncanfromDreamDestination
越過一片「人咁高」的草叢，就會到達首個「試煉場」石澗區。一行人在大大小小石頭間閃來閃去。走約5分鐘後石頭愈來愈大塊，水位也愈來愈高，15分鐘後就開始要手腳並用或澗水而行。只要你抱着濕腳無妨的心態前進，過程都會有驚無險，第一階段小測試終於過關，可以繼續行程！
終於逃出藤蔓陣，因為天雨關係，我們全身已經濕到滴水。攝影師的相機亦宣布打柴！半小時後將有山洪暴發，我們只好放棄行程中途折返，爬上這百多米的60度長命斜要特別小心，因為濕水的鞋底很跣腳。沿途谷主不停倒數山洪暴發時間，10分鐘、5分鐘……。上到山頂已經滿身泥，回頭望見綠樹叢間的瀑布，原來我們已經離終點不遠了，此時要折返不能到達大瀑布真可惜！
天雨關係中途折返，意猶未盡的Duncan仍想挑戰用來訓練軍人的「突擊吊橋」。吊橋以三條鐵鏈組成，要避免跌落水，最緊要保持平衡。望到吊橋下那個水深數米的河坑，爬完山的我已經開始腳軟，但想挑戰自我者就非試不可！
「最刺激都係玩『奪命吊橋』，平衡得唔好就要用臂力等自己唔跌落水！冒險？我都會嚟嘅，不過一定會叫埋仇人一齊嚟囉！」
由谷主親手以「鳳凰牌」單車加上廢棄氣壓樽改裝而成的水上單車，附設「一碌竹」轉彎系統，像街渡般慢慢轉彎，非常原始。用力踩時水花四濺，不過上車前記得除鞋。
營舍大廳中央，坐着本谷的最高領導「機械人Lily」，閃銀石油氣罐內藏美國軍部戰機零件，身兼報時、攝影及錄音要職。有興趣可以花3個月時間跟谷主學習整番個，否則花15分鐘學習令機械人於指定時間報時，亦得！
屋後面有一片小小花田，種滿了黃色的夜香花，讓你明正言順當起「採花賊」。只要把花塞進罐子裏，就變成放在車上的香薰，香味可維持兩星期。
地址：元朗逢吉鄉第二菜站普光寺雞公山腳
交通：新元朗中心輕鐵總站外乘603專線小巴，到逢吉鄉總站下車行約15分鐘；由新元朗中心乘的士到三軍外展中心（約$40），跟指示行約5分鐘，事前請致電農莊負責人。
收費：日營$50（朝9晚4）、宿營$100、晚及早餐$50，以上除坐吉普車要$50一位外，所有活動全包。
查詢電話：24714263
備註：10人以下1星期預約；20人以上1個月前預約。