法國前國腳、曼聯前球星簡東拿（EricCantona），自從退出球壇之後專心拍片，今年由佢擔正嘅《L'outremangeur》，早排喺法國上映，俾人讚到天上有地下無。今次簡東拿喺套新片度扮一個患上癡肥症嘅老差骨，平時喺球場上好粗獷嘅簡東拿，做起戲上嚟原來好溫文爾雅，有人睇過套戲後重話簡東拿有機會問鼎有「法國奧斯卡」之稱嘅凱撒大獎影帝殊榮，都咪話唔誇。