呢排大隻佬阿諾舒華辛力加（ArnoldSchwarzenegger）馬不停蹄咁，去到世界各地為新片《未來戰士3殲滅者TX》宣傳，前日當佢去到墨西哥嗰陣，有記者騷咗隻《未來戰士3》盜版DVD畀佢睇，阿諾即刻好強調有需要加強立法去打擊盜版，重話因為盜版嘅出現令好多人失業。阿諾一副官腔咁，好似有少少造作喎，唔通係為自己未來競逐加州州長鋪定條靚路？