受沙士影響，飲食業叫苦連天，賭王何鴻燊個仔何猷龍較早前亦講過，旗下珍寶及太白兩隻海鮮舫生意唔見咗一大截，不過沙士並冇打沉何猷龍個「珍寶王國」大計，連颱風都讓路畀何少爺，令佢昨日喺金鐘港麗酒店公布改革海鮮舫大計的記者會可以如常舉行。
翻新大計固然吸引，最特別係何猷龍諗出個新噱頭，就係獨家的「珍寶啤酒」，佢話啲啤酒會比市面其他啤酒便宜，至於味道如何，下個月就可以喺兩隻海鮮舫試吓；佢重同八方講，啲啤酒係搵香港啤酒廠同佢哋釀製，只有珍寶王國先有得賣。
（圖）何猷龍（中）同太太羅秀茵恩愛地出席「珍寶王國」新聞發布會。
傳真︰2623-9278
電郵︰