政府宣布23條重新諮詢，冇定諮詢期，睇怕都會變成一場持久戰。由一班大律師組成嘅23條關注組可以暫時鬆口氣，要休息放假的話，就要趁呢個暑假好好充電，好似梁家傑同湯家驊就先後飛出埠。
八方記得幾次民主大會，都有好多群眾好熱切期望梁家傑參加直選，梁大狀亦徇眾要求承諾會認真考慮，不過問佢有決定未，就要等下個月，因為佢𠵱家已經身在外地度緊假，八月八日先返香港。
另一個大狀湯家驊會喺呢個周末飛，九月先返港，佢個秘書話，八月係湯家驊嘅放假月，叫八方遲啲先搵佢老細。23條關注組重有兩位身兼立法會議員嘅女將──余若薇同吳靄儀，唔知佢兩位會唔會趁立法會唞暑之際，離港充下電至再上戰場呢？
傳真︰2623-9278
電郵︰