香港最有文化的書展下周二舉行，一眾愛書之人早就儲足彈藥搜購心水新書，不過，最有需要出動搶番兩本的，大概唔少得今屆的港姐參選佳麗，話晒「美貌與智慧兼備」嘅港姐宣傳口號嗌咗幾十年，年年都離晒譜始終影響收視，發現自己智慧唔高兼且周身贅肉的佳麗睇嚟要急急去書展走一轉，這裏為你們推介幾本至Fit好書，執靚自已，殺入決賽
記者：梁佩芬
攝影：陳陶鈞
有乜唔妥：故意講嘢唔正扮ABC，梗唔掂，可見此姝胸大但就……
點執：淨係識俯身夾胸唔夠，有腦就更加好，要入決賽，必要先洗腦，學懂裝個成熟模樣，讓評判們另眼相看！
張小嫻的愛情小說/散文，必是全場最暢銷的書。其實，內文全是張小姐的偏激化感情及意見，但文句短小，詞簡意明，一個晚上就看完，若能消化小嫻思想，可學懂做現代成熟女性的三大元素：感情硬、有主見及死都要拗翻生！
出版社：皇冠
售價：$55
有乜唔妥：首先個樣嚇鬼，更加出名囂張，點會掂？
點執：未紅先驕，想紅唔使諗，先跟杜汶澤、李克勤及譚詠麟呢幾位前輩學吓嘢啦！看看圈中大哥嘅辛酸史，明白娛樂圈嘅生存之道，話唔定都可以憑個性殺出重圍！
第一本譚李二人自傳，亦是最後一本！兩人在書中會披露其演藝生涯的奮鬥歷程，加插鮮為人知又從未曝光的童年趣事及娛樂圈八卦秘聞，圈中打不死的故事，佳麗們一定要看！
出版社：力出版
售價：$138（彩色版）
$78（黑白版）
不說在娛樂圈，只看他欠債纍纍逃難到台灣，再從低爬起又儲錢，這種勇氣，也是眾入世未深，又狂妄自大的佳麗須借鏡的。杜汶澤口述，由上年為吳君如《減肥血淚史》執筆的「柳飄飄」撰文，也是一本又笑又喊的江湖回憶錄！
出版社：力出版
售價：各$38
有乜唔妥：外號「無常殭屍」，全因一雙遠近皆見的熊貓眼，邊個話要睇恐怖片？
點執：咁梗係執執個樣啦！有城中靚女，指點迷津！
SuperModel陳嘉容夠靚就唔使講，更犀利是無論多忙碌都保持容光煥發，從來沒有黑眼圈，今次首度公開個人美容秘密，不單止黛黛，應該每位女性都買一本慢慢刨！
出版社：虹本文化
售價：$70.4
有乜唔妥：被指「攝石人」，尤其喜歡在合照時「無意間」挺胸收腹搶鏡。
點執：想搶鏡，不妨參考另一種方法，這本以香港英雄人物為主幹的故事書，學學捨己為人的行為，話唔定可以靠奇招出位！
本書講及一群曾為香港拋頭顱、灑熱血的英雄人物故事，稱得上英雄，肯定要有豐功偉績，叫人肅然起敬。但究竟香港有何偉人，能讓我們冠以歷史英雄之名呢？真要買回家細嚼找答案！
出版社：七字頭
售價：$25
上年的《掃把頭》、《三屍十一局》笑開每個香港人低沉的心，今年告別高官最後之作，居然以鬼古為題，《鬼笑話》《魔界23條》諷刺葉劉最後一擊，矚目情況可能更甚！
出版社：四筆像
售價：各$20
阿占足足等了兩年，才得林祥焜首肯，幫他畫兩本廣播劇的插圖！《四點水》、《落雨路》我相信會是今年一部至搶新書。
出版社：商業電台
售價：約$40
「森小」花了一年時間，才完成這本周記形式的《03事典》，發揚Snapshot精神嘅《森美小儀03事典》，會唔會係嘔心瀝血之作？
出版社：商業電台
售價：約$50
今年出席簽名會的年輕偶像都頗有份量，肯定人山人海，為控制人群，今年簽名會另覓地方，不需再在展覽場內排隊，不過簽名區域共有六個，要先鎖定目標，再早一、兩個鐘去排隊，就應該得心應手！
Twins
日期：3/8
時間：1:00pm?:00pm
地點：天橋走廊一C
林一峰
日期：31/7
時間：3:00pm?:00pm
地點：天橋走廊一A
少爺占＋林祥焜/少爺占＋野仔
日期：30/7
時間：1:00pm?:00pm/3:00pm?:00pm
地點：天橋走廊一B/天橋走廊一C
在書展前先來個街頭直擊，發現上年大熱作家的作品，仍然最叫人期待。
香港書展2003
日期：29/7?/8
地點：香港會議展覽中心
門票：$20
網址：
查詢：22404018