JackSo蘇澤光上星期五卸任地鐵主席，電盈噚日公布佢今日正式履新，出任副主席兼集團董事總經理。據主席李澤楷致全體員工的公開信透露，佢自己只留任電盈主席，公司行政總裁嘅職務由JackSo負責，營運總監柏喬及財務總監艾維朗都向佢滙報。
電盈一直沿用美式制度，最高級行政人員為行政總裁，與英式的最高級行政人員為董事總經理一樣。但為何不直接任命JackSo做行政總裁？八方推敲，小小超高明嘅地方就係留下一手，成間公司𠵱家由JackSo打骰，若果佢表現理想，就實際係行政總裁。但係若小小超唔滿意，都可以自己做番行政總裁，甚至請多一個人做行政總裁亦得。資訊科技非本行，所以JackSo好勤力，周初已開始返電盈，希望盡快掌握公司業務及發展。上星期五，佢亦有出席電盈同傳媒嘅飯局，席間有人問問題，JackSo都唔肯答住，連麥柏喬問佢日後會點處理集團的娛樂資訊業務，佢都係話三個月後至算。
（圖）JackSo上星期五先至卸任地鐵主席。
傳真︰2623-9278
電郵︰