陳曉東早前為新國語歌拍MV，他不要女主角反而出動法拉利、林寶堅尼及保時捷等六部名車，總值超過千萬港元。東東怕刮花名車，買重千萬保險，又令保安看守名車，即使東東埋位拍攝亦要搜身。
陳曉東早前簽約台灣環球後，其最新國語大碟《PerfectLove》稍後推出。東東早前以三天時間拍攝新歌《PerfectLove》的MV，出動六部名車，總值超過千萬港元。
東東今次拍攝新歌MV，中、港、台三地分別有車行借出共六部名車，包括三部共值八百二十萬的林寶堅尼、一部價值二百二十萬的法拉利，以及兩部共值二百六十萬的保時捷，六部車共值逾一千萬，故唱片公司亦買了過千萬保險，慎防名車遭刮花或損壞。
為安全起見，每當有名車在場拍攝時，除東東以外，所有工作人員不得靠近名車半步，即使東東走近都要搜身，恐防他身上有硬物刮花車身。東東說：「寫呢首歌前我同填詞人傾過，希望主角係架車，所以MV都用車代替女主角，講人車之間嘅愛。
「有咁多靚車揸梗係過足癮，但心理壓力都好大，我之前有個模特兒朋友，喺架名車前擺姿勢影相，點知衫鈕刮花架車，結果要賠錢，我哋唔想重蹈覆轍，所以買重保險。」
此外，東東簽約台灣環球，新碟在香港交由正東唱片發行，被問到何以不讓香港環球發行，東東經理人羅嘉慧昨在電話中說：「其實台灣方面係上華發行，呢個label喺香港一向由正東發碟同宣傳，我哋跟返唱片公司安排啫，都係環球集團，冇乜分別。」
採訪：蔡如玉
