梁錦松上周三乘搭葉劉淑儀嘅順風車公開向佢老細董建華請辭，今次老董好爽快，即時就批准，同上次婆婆媽媽完全兩回事。
據一啲阿松辭職前見過佢老哥嘅人講，阿松認為自己已經全無問題，即係過晒關，所以雄心壯志咁為香港未來經濟定出大計。於是有人問八方，究竟阿松係自己辭職定係被人炒走，喂，咁難嘅問題只有老董一個知答案，或者王永平都會知嘅……不過，可以肯定講，阿松今次辭職一定唔會係好自願嗰種。
至於阿松間屋，聽講公務員事務局按常規辦事，就係畀一個月時間佢搬屋，叫記者唔使日日追住問長問短。
傳真︰2623-9278
電郵︰