今日女性對「美」早有同一標準：瘦＝靚。
下巴尖尖的林嘉欣（Karena）就達不到這個要求，芸芸女星中，她不是最瘦一位，偏偏你又會覺得她美。收身後，依舊有人嫌她不夠瘦。Karena認為瘦身不可以速戰速決，一定要有耐性，做運動兼多吃水份重的生果，慢慢減才健康，效果才會持久。
記者：羅惠芬 攝影：伍慶泉（人物）、陳偉強（產品）
化妝：KeiKei 髮型：Kenji@Hair 服裝：Ztampz
場地提供：萬麗海景酒店大堂酒廊
逢星期一至二、五至六出版
真人比上鏡瘦得多的嘉欣，體重一直被外間視作焦點，感到好無奈。她話全因自己屬運動型，骨架大，絕對不可能有骨感效果。第一次減肥，是在16歲出第一張唱片的時候，靠食減肥藥，速度快但弄至手震兼精神緊張，惟有停食，更發誓從此跟減肥藥絕交。
現在她以水份多的蔬果為主：「減肥最忌有『餓』的感覺，三餐要定時，而且要識得用代替品。好似以雪至冰的士多啤梨代替雪糕、脫脂奶代替牛奶等，不讓自己有壓抑飲食的感覺。慢慢瘦，就不怕被打回原形啦！」
Karena每星期都會跑步，有時重會用保鮮紙包住條腰，增加排汗量。嫌辛苦咩，她就做數下伸展運動Keepfit。
嘉欣的親切笑容吸引，相信無人會否認；不過，原來那個尖尖下巴，對男性的吸引力更大！
「或者因為我下巴夠尖啩！一笑就會更明顯，成塊面都會瘦啲。」
戲裏好少以濃妝出現的嘉欣，現實生活中貫徹此性格，出街愛以真實面孔示人。化妝方面，她就愛走日式少女路線，即是薄粉底加粉紅色胭脂，唔Cute唔愛。