對於MP3Player，真係出到有啲麻木，部部一樣嘅功能同設計，不過新加入戰場嘅BenQ，今次真係有番啲睇頭，Joybee120堪稱「麻雀雖小五臟俱全」，事關佢個Size細如麻雀，但裏面已經塞入128MB記憶體、MP3播放、FM收音機、數碼錄音同外置式記憶體等多樣功能，暫時真係冇乜邊部機好似佢咁細功能又咁齊。
記者：朱崇德 攝影：陳陶鈞、朱崇德
ImageGirl：Jennifer（SunSpot）
逢星期一至五出版
新登場嘅Joybee120係BenQ首部推出嘅MP3Player，攞上手感覺真非常小巧，同半張卡片差不多大，外殼採用鋁金屬材質衝壓成形，輕巧、極薄、又不失良好的保護性和手感，算係交足功課。內置128MB記憶體（不設擴充記憶體插槽），可播足2個多小時的音樂，對應音樂格式有MP3及WMA，顯示屏採用單行設計，有齊中、英文多種顯示。音效輸出都算唔錯，基本BASS（重低音）、TREBLE（高音）都有得調校，其他EQ音場重有搖滾、爵士、古典、流行等多個不同選擇，對應不同曲目音效特性，都能表現出最佳音響效果。
聽膩MP3音樂，唔緊要！內置埋收音機播放功能，最令小記驚喜，係配合機身數碼錄音功能，遇有喜愛的電台節目，重可以同步錄音，儲存格式採用WAVE格式，128MB記憶體大概可以錄到500分鐘，重要對應Windows系統，要進一步作後期製作，或者錄段語音口信，e-mail畀遠方親朋，都係話咁易嘅事！
至於傳送音樂方面，都係使用傳統嘅USB1.1插口，跟機送《Qmusic》軟件，可以將普通AudioCD音樂，轉化成MP3格式傳入機內，還有編配音樂播放次序功能，只要一拖一放就搞掂，工具程式都算幾齊全實用。USB插口亦可以叉電，進一步令機身變得更小巧，叉電時間唔算太長，數小時已經OK，最長播放時間就有成16個鐘，相當長氣，夠一日聽有餘。
市場上有FM收音機嘅MP3機，內置記憶體多數在128MB水位，暫時Joybee120最小巧細緻，但如果對機身大小要求冇咁高，以下3部機都可以諗諗。
韓國製造，玩齊MP3、數碼錄音、FM收音機，最高音效對應到320Kbps嘅高音質MP3音樂檔案，外形都好突出，有啲似卡通片《黃金戰士》，所以得此「花朵」。
玩到焗漆機殼嘅MP3機，真係夠誇張，唔知大家覺唔覺佢個Design有啲似韓國某牌子手機呢？同樣內置128MB記憶體，玩盡FM收音機、同錄音功能，不過重有USB插位，做埋USB式外置記憶體。
都係韓國製造，內置128MB記憶體，支援播放MP3及WMA及FM收音機，1粒AA電池可以用成30小時，加埋佢支援全球文字顯示（即Windows睇到佢就顯示到），功能一味夠齊。
永明影音（23997451）
地址：旺角西洋菜南街68號地下
重點科技（27811852）
地址：旺角電腦中心一樓115號舖
BenQ查詢：23306929內線201