最近，亞Mark身邊有朋友正物色緊舖位搞生意，以響應董特首話自顧創業喎！而且重搵埋平日無事忙嘅亞Mark幫吓眼㖭！點知無意間俾亞Mark見到一個似曾相識嘅放盤地址。呀！諗咗陣終於想起，原來咪係早幾個月前，現代汽車響九龍窩打老道新開張、兼有成二千幾呎面積嘅陳列室囉！勢估唔到近半年間，香港個車市有咁大變化，相信現代個新Showroom放盤，無非係代理權易手前嘅工作之一；惟亞Mark最想不到嘅，就連至今幾乎只剩得一人，掌管太古旗下富豪同現代汽車嘅CrawfordHunter，亦快將於今個月底離職，調任集團旗下某大汽水品牌嘅話事人。至於兩個汽車品牌易手前嘅最後工作，聽聞會由集團FinancalController人員擔起，期望遲吓兩個汽車品牌，響新代理下會有一番新景象啦！