颱風「伊布都」來勢洶洶，雖然掠過香港門前而不入，但都搞到房委會一眾委員同房署官員好忙亂。話說房委會原定噚朝早開大會傾分拆公屋商場同停車場上市，負責人見八點鐘都未除下八號風球，「嗱嗱臨」出通告取消會議，點知轉個頭，天文台又喺八點十五分落波，結果又要臨急臨忙通知委員同埋八方嘅行家改遲三十分鐘，如期開會。
八方以為房委會好勤力，但事後聽聞原來係身兼主席嘅孫公嘅意思，因為要討論點樣賣商場同停車場，如果改期開會令到上市計劃遲咗，分分鐘會唔見好多錢咁話喎。
傳真︰2623-9278
電郵︰