Boy'Z的張致恆（Steven）是中荷混血兒，小學時曾被同學叫他做雜種，當時Steven不明白是甚麼意思，故沒有生氣。而Steven小時性格內向，常被別人欺負，要勞煩弟弟替他出頭。
男子組合Boy'Z的張致恆有兩個姊姊和一個弟弟，鏡頭前充滿陽光氣息的Steven，小時候原來十分害羞，更經常被女孩子欺負，要弟弟代為出頭。
Steven自幼性格內向，他日前說：「我細個好乖，唔多出聲，所以成日俾人『蝦』，乜都逆來順受。俾人打時，有細佬代為出頭，細佬會幫我打番人轉頭。直至上咗中學，我識朋友多咗，性格先變得開朗。」
Steven是混血兒，其母是荷蘭人，在雞檔賣雞。小時候的Steven眼仔睩睩，長得非常可愛。讀小學時，Steven的同學仔發現他有外國血統，有同學竟口多多取笑他是雜種，Steven說：「其實我當時唔明個意思，所以都冇嬲，亦冇因為咁而問過媽咪。」
問Steven有何童年瘀事，他不加思索地說：「我都好貪玩，十歲嗰年，我試過同住喺附近嘅小朋友一齊喺觀塘嘅屋邨玩捉迷藏，玩到過晒鐘，凌晨先至返屋企。媽咪一向要我十二點前返屋企，結果俾媽咪家法侍候，要罰跪門口跪天光，但我一啲都唔怕，如事者俾媽咪罰咗四、五次。」Steven又謂有次貪玩被門夾爆手指，頓時血流如注，其母即帶他到醫院，縫了兩針才止血。採訪：比華利
