全城尋覓財政司，八方有一次同高人傾開，佢話搵人好難，搵好人更難；因為一個人識唔識做事比較易查，但私人喜好就好難查；譬如佢多唔多女朋友、鍾唔鍾意杯中物、會唔會開緊會瞓覺，好多時都係入咗職至知，但已經太遲，易請難送嘛。所以政府尋覓高層人馬，要認真行事，勿再如上次咁蝦碌。
講起瞓覺，除咗中總位「中指議員」係人都知外，法律界亦有幾個官出晒名，經常一開庭不久就閉目養神。
八方聽過一個流傳甚廣嘅古仔，話說有單案審審吓，法庭上有人話：「TheJudgeissleeping。」（法官瞓着咗），個法庭書記習慣聽到乜就照打，於是呢一句就記錄在案。點知冇幾耐，又有人話：「TheJudgeisstillsleeping。」（法官重瞓緊），於是呢句又寫埋落去。結果點？咪個律師要求休庭，法官亦唔再審呢單案咯。
傳真︰2623-9278
電郵︰