「查理廣」幾年前學人做網上買賣，食正搪膠玩具熱，撈埋唔少，最近搪膠泡沫爆破，佢只好賣波鞋。「查理廣」話：「好多日本仔都係過去花園街掃鞋返過去佢哋老家賣，見佢哋有時連炒價都照入，價都費事講。可想而知外地巿場潛力有幾勁。」
當然，唔係對對都賣得！「查理廣」話每十對關刀，只有兩三對可搵到食。所以每遇上「穩膽鞋」，一定要盡擸，唔好手軟！最近最好的例子就係對噴墨「嘻示」，花園街有行貨返，如果預早留定貨，轉手扔上網賣畀鬼仔，獲利可達五成。
據「查理廣」教路，只要食得起一百對鞋，花園街間「車輪多」就可以預早留任何熱門關刀鞋畀客。咁一次過買咁多鞋，唔知有冇折頭或批發價呢？「查理廣」即答：「梗係冇喇，重要每對零售價加多$150㖭，落貨前一星期要畀一半訂，要Cash，唔可以碌卡。總數好容易過十萬㗎，咁我咪夾幾份人食貨，積喺屋企慢慢賣，都幾好執㗎。」唔怪得每次關刀出熱門鞋，咁多口靚仔要去關刀正店排隊，因為花園街啲舖都將貨留起，高價轉售。而「查理廣」呢類網上生意人又估唔到要用咁多Cash做生意。香港人果然有生意頭腦。
主持人：大食Jack
八卦熱報：