呢輪潮流興開咪，繼鄺其志之後，有「鐵蝴蝶」之稱嘅任關佩英已經鐵定本周六喺港台做節目主持人，個節目名都定埋，叫做《真心直說》，由下晝兩點到四點，果然恥作「無聲狗」。
港台中人話，個節目有成兩個小時咁長，任關自己梗係講唔晒，佢會請嘉賓上嚟幫吓手兼幫吓口，第一位嘉賓會係位男士，名字暫且賣個關子唔講住。
任關同鄺神童都係直腸直肚之人，不但心中有怨氣會講，連市民嘅怨氣都會替大家出一出，老董唔係話想聽多啲民意咩？呢個肯定係好機會。
任關當日好唔捨得離開政府，今日睇返轉頭，佢應該多謝老董先啱，所謂「塞翁失馬，焉知非福」？爭住去問責，到頭來害人害己。
（圖）任關當日唔捨得離開政府，今日可能寧願開咪重好。
傳真︰2623-9278
電郵︰