話咁快，2003年已經過咗一半有多，而呢個時候正好係部份歐洲車廠，公布上半年汽車銷售數據嘅時間，其中德國寶馬車廠便於較早前公布有關數據，表現實能令人感到滿意。
單以上半年計算，寶馬集團合共售出多達544,850部新車，較2002年同期嘅543,760部微升0.2%；若單以6月計算，寶馬及Mini車系亦合共售出96,970部新車，較去年同期94,420部上升多達2.7%，能有如此佳績出現，廠方估計與3系推出Facelifted新版，以及全新Z4跑車（上圖）於多個地區市場正式登陸有關，同時亦相信新款5系轎車正式登場後，定會令寶馬汽車於今年內嘅銷量，會較預期來得更好。同時，新一代Mini銷情依然強勁，單係上半年已售出89,880部新車，較2002年同期嘅62,420部上升多達44%，從而可得知Mini係幾受車迷歡迎呢！