特首民望下跌，喺呢個時候，肯出嚟挺董嘅人冇乜幾位，估唔到喺商界重搵到個肯為董建華講嘢嘅人，佢就係恒隆集團主席陳啟宗。
話說陳啟宗昨日出席亞洲協會午餐會，俾傳媒問到對樓市睇法時，佢突然大讚特首董建華，話董特首其實好有遠見，係一個實事求是嘅人，上台後便改革房屋、教育及環保等方面，這些工作連港英時期最後的港督彭定康亦沒有提及，只可惜特首實在太有遠見，所以即使佢做咗好多嘢，但由於成績尚未浮現，對於短視的香港人來講，當然不懂得欣賞，但將來歷史會講到佢嘅功績。唔知董建華聽到陳啟宗這番話，會否將陳氏引為知己。
候任財爺誰屬係近期財經圈的熱門話題，問陳啟宗有冇貼到心水財爺人選，佢話，「隨手都有大把人選。」但心水名單佢就拒絕透露，不過，講開前財爺梁錦松，陳啟宗就話，以往任何一位財爺做得很好，阿松落台係唔小心買車嘅後果，但政治遊戲就係咁，坐得嗰個位，就要承擔唔小心嘅後果。
傳真︰2623-9278
電郵︰