今年係香港遊樂場協會七十周年會慶，為咗慶祝呢件盛事，香港遊樂場協會舊年特別邀請中文大學歷史系教授郭少棠，用一年時間編寫一本名為《遊樂顯童真》書籍。書內重有好多張珍貴圖片，介紹協會多年嚟為青少年作出嘅貢獻。
八方翻開本書一睇，見到一張黑白相，有個女人好鬼熟口面，但諗極都唔知係邊個。郭教授同八方講，相中熟口面個女人原來係律政司司長梁愛詩，張相攝於一九七六年，原來嗰時梁愛詩係香港遊樂場協會嘅委員。郭教授重話，雖然本書唔係推銷23條，但係都想送本畀司長留念。
如果市民想睇梁愛詩嘅後生版，可以喺一年一度嘅香港書展中買本嚟睇吓，每本盛惠二百大元。
傳真︰2623-9278
電郵︰