近日財爺接任人選傳言滿天飛，每個被傳者都難免會被問到呢個問題。噚日中國證監會首席顧問梁定邦細佬間公司搞上市記者會，八方自然不會放過。
梁顧問話，冇人搵過佢做財爺，佢又話自己已應承美國哈佛大學明年上半年去教書，而且簽咗約走唔甩，加上佢一路有接官司打，又要幫中國證監會做首席顧問，所以唔能夠接受另一份全職工作。
梁顧問又話，做財爺最緊要愛國愛港，同埋要熟悉香港財經制度，香港其實好多人才，好似一啲議員同教授都勝任。早排前布政司鍾逸傑話梁顧問好適合推銷23條，因為佢有大律師背景，又做過廉記，但23條呢啲吃力不討好嘅嘢，睇怕冇乜人會鍾意接手。
（圖）中國證監會首席顧問梁定邦話冇人搵過佢做財司。
傳真︰2623-9278
電郵︰