記者日前再次探訪新寡張女士時，面頰瘦削的她。幽幽地說﹕「阿強嘅遺體已經出殯同火化咗，但我一直未搵到庵堂，安放佢嘅骨灰龕。想帶返鄉下擺放，又怕路途太遠唔方便拜祭。所以，𠵱家心情依然好彷徨！」
張女士的四十八歲丈夫阿強，月前肝癌病逝，遺下孤兒寡婦頓失所依，生活陷困。阿強生前任職地盤工人，是家庭經濟支柱。近年因市道欠佳，阿強經常開工不足，收入勉強夠應付家計。詎料早前一病不起，未幾證實患上肝癌，後病歿。
四十一歲的張女士歎道﹕「囡囡好聽教聽話，不過變得有啲抑鬱，經常粒聲唔出，有時睇睇吓電視重會突然喊起嚟。我問佢點解無端端喊，佢就答我﹕『因為我冇咗爸爸！』令我好心痛。」張女士的女兒年僅八歲，暑假後將升讀小學四年級。
蘋果日報慈善基金早前曾撥款二萬元，助張女士辦理亡夫身後事，日前另將一筆合共八千五百零五元的讀者捐款交予她簽收。
捐款編號：C0933
暖流熱線
電話：29908688
傳真：23702192
電郵：
網址：