劉青雲、Twins、傅天穎（奀妹）、向華強夫婦、梁家輝及張文慈等前晚同到時代廣場出席《戀上你的床》首映，奀妹透露上周已與星皓約滿，她早前被拍得與向華強兒子向展平一起，她說：「我同佢家姐好老友，上星期向展平生日，我哋一齊慶祝。」奀妹謂現時主力進攻內地市場，由其二嫂任經理人，問她會否簽中國星，奀妹說：「唔知呀，𠵱家要從頭嚟過。」
向太陳嵐表示有致電慰問涉及樂壇貪污案的英皇娛樂老闆楊受成，她說：「我有叫佢嚟首映，佢本來應承嚟，後來又叫秘書打嚟話唔到，費事搶咗古仔同青雲風頭，我都明嘅。」
而阿Sa接受訪問表示未需要協助廉署調查樂壇貪污案，她說：「我有搵霍紋希（Mani），佢生日我未送禮物，補番啦，楊生都有搵，陳伯就冇，我同佢唔熟。」
