每年腦場，都有兩個出機旺季，一係農曆新年檔期，二係暑假期，不過腦場好多Sales都呻今個暑假真係淡靜得緊要，一來可能經過沙士之後，對香港經濟嘅影響開始逐漸浮出嚟，加埋今年暑假遲放，學生又要補課，重邊有時間砌機！
儘管好多人把口話今個暑假檔生意「清清淡淡」，不過每年呢段時間，所有砌機零件稍微加價嘅慣例，就一啲都無廢除到，當中尤以RAM價最明顯。基本上電腦用嘅記憶體，整個世界市場都冇出現缺貨情況，不過個價位唔知點解係咁升！以呢期最熱賣嘅KINGSTON512DDR(333)為例，價位就由三個星期前嘅$490，升到今個星期嘅$600，持續升幅達22.4%，真係唔講得笑！
記者、攝影：朱崇德