如果你最鍾意係瞓喺張床度睇電視，咁呢張德國「夢劇院」睡床定必係你追求終極享受嘅DreamBed。因為呢張雙人床配備嘅除咗床褥、床套外，床架重裝有可遙控升降嘅樂聲牌頂級63吋LCD投影機、DVD機、以及5.1音響系統，享受絕對超班。不過，叫得做DreamBed，價錢當然一樣高級啦，叫價13萬8千蚊。 記者：馬慶武
售價：$138,000 售賣點：歐化傢俬(紅磡漆咸道275號地下至5樓) 查詢電話：23336281