許志安前晚在中環為JohnnieWalker宣傳，安仔表示廣告商送了約五十支酒給他，安仔說：「我都要喺新居裝個新酒櫃，我會將呢啲酒送畀朋友。」而安仔日前更邀請了舊同事到新居慶祝，他說：「舊同事會錫我間屋多啲，朋友會搗亂，我哋平時最鍾意去蘇永康屋企劈酒。」
安仔又提到張衞健有一次到他家的不愉快經歷，他說：「健仔四圍摷嘢食，打爛酒樽同畫花牆，搞到我屋企亂葬崗咁。」問安仔有否請鄭秀文到訪，安仔說：「我落柯打唔准人講，自己都唔講。」
問安仔的新歌《一步一生》是否形容他和其女友，安仔說：「我錄音時錄到喊，但大家唔好對號入座。」
採訪：胡比
攝影：甄朝健