7.1五十萬人上街，既改變咗香港歷史，更會載入辭典，好似五四運動一樣咁出名。
八方唔係吹水，原來朗文最近出版咗一本英英及英漢雙解嘅《朗文當代大辭典》，集百科全書同辭典於一身，而且非常與時並進，連董建華、李柱銘、劉慧卿、彭定康都有收錄在內。7.1影響咁深遠，朗文董事總經理梁安妮話梗係會收錄啦。
呢本新辭典更收錄唔少文化娛樂以至體育界嘅人與事，好似碧咸同《未來戰士》都有得查。
八方第一時間查吓LeeMartin，辭典寫住：香港一位政治家，民主黨前主席，重有埋出生年份。朗文重出咗一千七百五十五本精裝限量版，訂購者可以刻自己個名作紀念，另送平裝版供查閱。
講開朗文，原來佢哋準備喺書展推出一部同大陸步步高合作做嘅學生電子辭典，細細部重有普通話，真煞食。
傳真︰2623-9278
電郵︰