陳司翰小時候有個怪癖，就是喜歡別人用忌廉塗在他的臉上，十分貪玩！陳司翰又表示最開心是同姐姐Kelly玩拖鞋扒龍船，兩姊弟可以坐在咕𠱸上玩足一天。
陳慧琳（Kelly）的胞弟陳司翰（Victor）從小就集萬千寵愛於一身，每年生日，家人總會預備一個大蛋糕替他慶祝。Victor日前表示並不喜歡吃蛋糕，反而十分享受別人將忌廉塗在他臉上，估不到他的嗜好如斯特別！
Victor又透露母親經常為他設計服飾，在眾多的造型中，他最喜歡扮飛機師，Victor日前說：「由於媽咪成日想將我扮得斯文啲，所以成日安排我扮『白馬王子』。我重記得有一次因為要去飲喜酒，媽咪就花盡心思幫我設計咗一個飛機師look，着咗嗰套衫之後，我都覺得自己好型仔、好可愛，所以呢套衫係最有紀念性嘅。」
原來Victor小時已甚有表演慾，他表示家中衣櫃上的木紋頗似天氣圖，故此他就與姊姊Kelly一齊扮天氣報道員，又不時在家舉行龍舟大賽。
Victor笑說：「我哋兩個好鍾意將啲咕𠱸放落地下當龍舟，重將拖鞋當船槳撐船，兩個係咁撐吓撐吓就玩足一日，但記得有一次，我哋玩完之後冇執番好啲嘢，而且又唔見咗隻拖鞋，最後當然係俾人鬧咗一餐啦。」
