「天鵝」啱啱走咗，「伊布都」又殺到，今日隨時會掛八號波，天氣怪到鯨魚都死。八方噚日去青衣參加九號碼頭一號泊位開幕禮，卻見風和日麗，躉船噴水時重出現彩虹。
呢個泊位屬於和記黃埔旗下嘅香港國際貨櫃碼頭（HIT），HIT董事總經理葉承智話，咁好彩可以喺兩個颱風之間搞開幕禮，全靠有查《通勝》，擇個好日。
八方睇《通勝》，噚日確係好日，宜祭祀開市動土豎柱上樑，但係前日同今日亦宜祭祀交易上樑，點解唔揀前日唔揀今日？講來講去，都係講運氣，證明誠哥重係好旺。 程志遠攝
傳真︰2623-9278
電郵︰