近年香港車市湧現咗唔少新車款，當中懷舊車類亦不乏車迷捧場。而箇中高手嘅日本光岡（Mitsuoka）汽車，早前曾推出過一款開篷跑車嘅TypeF型號，無論造型同裝備，都酷似曾顯赫一時嘅英國Super7跑車，香港代理亦曾引入多部，開價63萬8千，仍不乏買家追捧。然而，最近亞Mark從日本友人口中得知，光岡車廠今年會推出一款限量版嘅Zero-1RS型號，會係繼TypeF之後，另一部懷舊開篷跑車；以一台1.8公升直4DOHC偈作主打，馬力130匹，座艙主要以金屬同黑色真皮配襯，並裝有四輪BBS鍛造輕輪圈，車重不過720kg咋！據知，廠方只生產9部，而香港代理會有一部配額，咁有收藏價值嘅汽車精品，聽聞開價亦不過60萬上落，有興趣嘅Fans就要拭目以待喇！