講到D-mop的自家品牌，一直令人印象深刻的只有BlueHeroes，其牛仔褲Cutting之靚稱為本地牛王絕不為過，但省招牌之作直到如今亦是僅此一個。去年秋冬新設的品牌M9Head，搜羅一批聖馬田學生合作，走街牌路線，反應亦不過爾爾，今季則再接再厲，請來高一班的英國設計組合Juice來一次Crossover，推出一系列以「HappyisLoveisFun」的限量版T恤，以幽默抵死的圖案作賣點，希望能夠收復失地。
記者：吳小明
攝影：陳陶鈞
模特兒：PamelafromElite
化妝：VivNg
Juice以M9Head之名出發，故此這批T恤總共有9款圖案，男裝則只選取其中6款，取當中的「69」之意，都幾抵死吓；由於整個系列以愛及開心為題，所以會有婚禮、戴上眼鏡的笑臉等圖案，其他的圖案如飛機上的女郎、「Joysdick」等均幽默風趣，帶有點點黃色意味，引大家看過會心微笑。這個系列只作限量發行，分別於英國及香港有售，最重要是價錢平，兩三百買到件，平平哋粗着都無妨。
黑色背心玩少少黃色笑話，把Joystick玩作Joysdick，明白其意思當然會陰陰嘴笑，$290。白色半截裙$690、Shelleys高跟涼鞋$436
背心正面的「Joysdick」字樣加埋背後的手掣圖案，帶點黃色意味，相當抵死惹笑。
粉紅圓點Tee暗暗玩Graphic，細睇圓點之外重有一個人頭，$390。粉綠Satin短褲$590、JohannaHo黑色織皮Belt$1,316、Shelleys花花涼鞋$328
與前幾件都不同，是較Feminine的設計。絲帶吊帶背心$290、彩色圖案半截裙$550、金色萬字夾頸鏈$720
與人頭Tee一樣，Graphic上其實是一張臉。黃色眼鏡圖案背心$290、白色潑墨圖案束腳褲$990
粉紅色甜筒圖案背心，上方一個英文字Lick，睇到叫人會心微笑$390、紫色BiasCut半截裙$144、BeauduinBruxelles斜孭袋$1,836
售賣點：D-mop（22034130）
銅鑼灣京士頓街8號地下