銅鑼灣巧遇「袁仁祥」，佢左手攞水貨煙、右手攞罐漆油，成個地盤佬咁款。問佢係唔係轉行？佢答：「閘住！我嘅水貨生意重算捱得住，就算『沙士』疫潮下仍然安穩度過。𠵱家喺銅鑼灣開新分店，趕住去裝修。」
聽袁仁祥一席話，勝讀十年「雜誌」。祥哥率先、獨家、直擊披露銅鑼灣潮界新形勢。原來唔少潮舖由九龍空降銅鑼灣，包括有「先達陳果」之稱嘅「紅鞋子」會喺「東角馬尺」駐新點，祥哥自己間「幾時都得」會喺謝斐道嘅酒吧區開新店。古着界代表「B仔記」就由「維多利亞」搬去伊利莎白大廈嗰頭。聽講唔少旺角區揸Fit人喺銅鑼灣搵緊舖。
銅鑼灣嘅租唔平喎，莫非真係咁好搵？祥哥：「非也！銅鑼灣嘅租已經跌晒，有啲重平過旺角。我哋喺旺角捱咗咁耐，都想搬過去銅鑼灣型吓。」以前V3喺區內可做獨巿生意，𠵱家突然多咗咁多對手，看來一場水貨界大戰正醞釀爆發了。
主持人：大食Jack
八卦熱報：