記得長輩曾說：「讀唔到書唔緊要，學得一門手藝就唔使驚啦！」時至今日，這句說話依然管用，自問不是讀書材料的阿威，雖然曾經歷過「雙失」嘅階段，仍憑多年來學習得來的廚藝，自立門戶，在街市開了一間自家式嘅川菜館。阿威更矢志兩年後要衝出街市檔，闖一番新事業。
記者：何善華
攝影：周旭文
中學畢業後的阿威，一直找不到工作，於是便開始到餐廳做一些執頭執尾的「廚房佬」，工作雖然辛苦，但他依然沒有氣餒，更憑天賦的廚藝，於邊睇邊學期間，學識點樣炒菜了。約5年前，阿威在朋友介紹下到嘉湖海逸酒店的「川菜部」當見習廚師，後天的努力令他在短時間擢升為廚師，前途可謂一帆風順。
阿威講述當年可以到酒店做廚師實在是一件值得高興的事，但好景不常，兩年前該酒店「川菜部」突然停業，霎時間要由如日方中的酒店廚師，變為無業漢。阿威接受了裁員的事實後，苦思良久決定盡地一煲，將多年來儲起嘅積蓄「押注」在街市小舖身上，經營了一間專做四川菜的菜館。為要發掘一些新菜式，阿威去年聖誕節更專程到四川、成都等地一趟。
川菜館經營至今已近兩年，阿威既是老闆又兼廚師一務，贏得不少街坊及熟客仔的支持，生意總算不錯，但雄心壯志的阿威坦言自己的目標並不在此。「希望在這個街市做多一、兩年，等再儲夠錢後我可以離開這裏，另起爐灶，至少要開番一間街舖。」
阿威話有今日的成就，實在要多謝以前喺酒店做廚師時的師傅，阿威仍記得師傅所教，要他謹記「無色、聲、香，味獨發」的七字真言，意思是要炮製出來嘅菜式，不需花巧奪目、聲色犬馬，只要食物能突出本身嘅味道，就可達至廚藝嘅最高境界了。
將蟹走油後，撒上蒜茸、花椒粒、薑片、乾辣椒、香葱及豆豉再用慢火炒，再加花雕酒令其更入味。香辣蟹名副其實辣，是嗜辣嘅食客首選。
惹火度：█████
將乾葱球切碎後，同樣蘸上蒜茸及辣椒乾，慢火細炒突出蝦隻本身味道，塗上老抽後起鑊再落一點魚露，沒有香辣蟹如此辣。
惹火度：████
材料有秀珍菇、香芹、葱段、豬肚絲，煮法用上四川泡辣椒及來自郫縣嘅豆瓣醬一同爆香，再加入上湯及茄汁、白醋和鎮江醋，最後蘸上糖煮成。
惹火度：████▊
一道與川菜沒有相連菜式，但卻出奇地適合港人口味，全碟均是用上秀珍菇炸成，椒鹽味特重，是送酒佳品。品嘗時似食薯片般香脆，菇肉充滿水份。
惹火度：█
夏天必食嘅川菜之一，切碎涼瓜後落些薑草；再連同四川菜炒熟，待涼瓜乾煸後再炒多一次，最後添點生抽、老抽便大功告成了，不失為一道消暑正菜。
惹火度：████
威記川粵小館
地址：荃灣香車街街市3樓18-19,33號舖(近福來邨)
電話：98135761
營業時間：12:00nn-12:00mn