無綫電視節目主持人余文詩從小就不喜歡運動，但當她接觸過馬兒後，就深深愛上騎馬這項講求與馬匹配合的運動，她說：「騎馬後身體強壯咗，令我深深體會到運動對身體嘅重要，而策騎馬匹更可說改變了我一生！」 文：曾雁平圖：司徒世華
曾著《健康與飲食》的Wendy（余文詩）日前應香港馬術總會之邀請，擔任該會的馬術推廣大使，協助該會推廣「暑期馬術運動推廣」活動；而她在細訴如何與馬結緣時，透露了十多年前因拍攝關於騎馬的節目時被馬拋落地結果昏迷了幾分鐘，幸經丈夫鼓勵，加上不斷嘗試終能享受策騎運動所帶來的無窮樂趣。
她說：「那次跌馬後，我丈夫就覺得將來重有機會要拍騎馬節目，就幫我報咗個騎術班；但始終有啲驚，同埋唔夠力，學咗一段時間就冇再學。過咗幾年，K-100再要我拍騎馬，唔識騎點算呢，惟有報咗個速成班，就這樣開始了騎馬。」
余文詩自從學了騎馬後，身體明顯強健了很多，她說：「我自細唔多運動，連游水都唔識，而初騎馬對我嚟講已經係激烈嘅運動；但騎過馬後，身體明顯強壯咗，感冒亦減少，更令我認識到運動對身體嘅好處。
以前做《香港早晨》主持時，壓力好大，個人好瘦弱，當時食好多嘢都只得九十幾磅；但騎馬後除有了肌肉外，覺得吸取養份比以前好好多，體重由升到一百零幾磅，現在更到超過百一磅，但完全不是肥，而是全身肌肉也結實了很多。」
「騎了咁多年馬，個人亦明顯機智咗，警覺性強了。由於馬有本身思想同感覺，有時會唔開心、發脾氣，當騎在佢上面就要就吓佢，諗吓計，過程中令我學曉凡事都唔可以太過執着，同埋容忍及體諒；而每朝清晨就去雙魚河騎馬，空氣特別清新，見到片草地沾滿露珠，身處在這樣的環境中，心境會特別愉快，重可以有效紓緩工作壓力。」余文詩說。
她透露，早年曾參加過一些騎術（花步）賽，還得過亞軍，近幾年已再沒有參賽，現在每天騎馬散步已經很開心，她說：「騎馬既要講求與馬嘅配合，又能享受大自然，絕對值得推薦給朋友及大家的有益身心運動。」
身高：1米60
體重：55公斤
現職：無綫《都市閒情》節目主持
騎馬幾耐：11年半
早餐：麥皮、檸蜜、多士
午餐：麵、三文治
下午茶：生果或餅乾
晚餐：飯、肉、魚、菜、生果
騎馬：每周六次，每次2小時以上
游水：1周2次，每次1小時