吳君如與演出《人妖打排球2》的泰國演員隆婆、華仔，以及冬、蔭、功等，前晚繼續落力為電影宣傳，在首映中君如與隆婆衣着皆頗為性感，隆婆還真空上陣，成為全場焦點。對於樂壇貪污案，君如認為影壇就比較健康。
吳君如、杜汶澤和葛民輝等前晚率領《人妖打排球2》的泰籍主角人妖隆婆、華仔，以及冬、蔭、功等，分別乘坐甲蟲車到九龍灣加德士一個油站舉行宣傳活動，眾人在現場示範打排球，打得相當認真。而真空上陣的隆婆，穿上露肩吊帶裙，比只穿低胸吊帶衫的君如更為性感，搶盡風頭。
對於近日的樂壇貪污案，君如說：「我又唔係樂壇中人，所以對件事唔係咁了解，其實我覺得電影界就比樂壇健康得多，起碼最有代表性嘅『香港電影金像獎』嘅評審制度比較公平，冇咁多講數嘅事發生，所以『金像獎』係好難造馬。」
君如又表示如果《人2》收逾千五萬票房，便會請泰國演員到香港遊玩，她說：「反正泰國機票唔係好貴。而頭先喺九龍灣坐完甲蟲車，又轉坐開篷車，點知落雨，搞到我不知幾狼狽，後尾去到會展，又要再轉番坐甲蟲車。」
隆婆與華仔等在會展首映禮又換了另一套新裝，隆婆說：「如果部戲收得，君如話明會請我哋嚟香港玩，我都好希望可以遊覽唔同嘅風光名勝，好似天壇大佛、海洋公園、青馬大橋等地方我哋都有興趣。」
採訪：陳梅香
