合併道亨、海託及DBS廣安而成嘅「星展銀行」，噚日舉行正式合併典禮，早上新加坡高層齊出席主持記者會，由於銀行以橙色為廣告嘅主題色系，所以不少高層都揀咗同色領呔同袖口鈕，配合橙色嘅陽光開心形象。
講開DBS個中文新招牌（圖），四個字「星展銀行」嘅寫法相當考究，話說行方高層，心儀出自郭沫若嘅「中國銀行」的行草書法，所以專登訪尋名家題字，最後請得生於新加坡嘅名書畫家許夢豐，為新行牌匾動筆。
晚上該行假香港里拉舉行合併酒會，舞台中央重裝飾咗一道人造水簾，水為財，意頭不言而喻。據聞出席嘉賓包括財經事務及庫務局局長馬時亨、金管局副總裁簡達恒、小小超李澤楷、富豪鄭裕彤等；以高價沽出道亨予DBS、賺過滿堂紅嘅前道亨老闆郭令燦亦有到場。
傳真︰2623-9278
電郵︰