葉劉淑儀做埋呢幾日就同特首講「再見」，八方對葉劉一直都冇乜成見，但係如果佢真係一早決定做埋23條就陪個女去讀書，所以有自己嘅時間表，夾硬要七月通過《國安條例》，就真係有點過份。
當然𠵱家翻舊帳冇乜意思，不如諗吓邊個代佢個位好過。林瑞麟冇人鍾意，邊個會受歡迎？八方忽然諗起「鬍鬚仔」曾俊華，佢老哥曾經做過海關關長，口碑非常好，紀律部隊容易受落；其次佢係AO政務官出身，目前官至常秘夠晒班；而最重要嘅係佢老哥對香港一向有承擔，唔係都唔會由美返港。
剩低就要睇老董點樣說服佢肯接23條呢個燙手山芋。有人話，老董肯真正放手畀佢做，如果老董唔係要佢做戲，或者會有得傾。
（圖）曾經做過海關關長嘅曾俊華係政務官出身，對香港亦一向有承擔。
傳真︰2623-9278
電郵︰